Menntaskólinn Ísafirði - Tilkynningar

Skólasetning

Wed, 22 Aug 2012 08:04:00 +0000

Skólinn verður settur mánudaginn 27. ágúst kl. 09:00. Nemendur eiga að mæta til skólasetningar á sal og hitta síðan umsjónarkennara sína í umsjónarstofum. Töflubreytingar hefjast hjá námsráðgjöfum og áfangastjóra kl. 10:30. Kennsla hefst samkvæmt stundaskrá þriðjudaginn 28. ágúst.

Skrifstofa opin eftir sumarleyfi

Tue, 14 Aug 2012 08:00:00 +0000

Skrifstofa skólans er nú opin á ný eftir sumarleyfi. Afgreiðslutími er á milli kl. 08:00 og 16:00 frá mánudegi til fimmtudags. Á föstudögum er skrifstofan opin á milli kl. 08:00 og 15:00.

Könnun 2012

Tue, 08 May 2012 13:52:00 +0000

Foreldrar og forráðamenn nemenda yngri en 18 ára eru beðnir um að taka þátt í könnun sem er liður í sjálfsmati skólans. Til að taka þátt þarf að smella hér og skrá inn notendanafn og lykilorð sem sent hefur verið í pósti. Kærar þakkir fyrir þátttökuna.

Fundur með útskriftarefnum

Mon, 23 Apr 2012 14:34:00 +0000

Þriðjudaginn 24. apríl kl. 12:20 munu stjórnendur funda með útskriftarefnum. Rætt verður um kaffisamsæti útskriftarnema, dimission, útskrift og fleira.

NÁMSSTYRKUR - ATH!

Wed, 18 Apr 2012 12:10:00 +0000

Hér með er ítrekuð auglýsing eftir umsóknum um styrkveitingu úr minningarsjóði hjónanna Elínar Þorláksdóttur og Benedikts Bjarnasonar frá Meiri-Bakka í Skálavík ytri, sem tilheyrði Hólshreppi, N.-Ísafjarðarsýslu. Í ráði er að úthluta nú í vetur, væntanlega til allt að fjögurra umsækjenda, styrk að upphæð kr. 75.000 eða þar um bil. Til greina koma þeir nemendur við Menntaskólann á Ísafirði, sem búsettir eru á því svæði sem til skamms tíma tilheyrði N.-Ísafjarðarsýslu. Samkvæmt skipulagsskrá minningarsjóðsins skulu nemendur úr hinum forna Hólshreppi, nú Bolungarvíkurkaupstað, að öðru jöfnu njóta forgangs við styrkúthlutun, og skal sérstaklega höfð hliðsjón af atfylgi í námi og fjárhagslegri þörf umsækjanda.

Skriflegum umsóknum um styrkveitingu vegna skólaársins 2011 - 2012 skal skila til skrifstofu skólans eða skólameistara eigi síðar en föstudaginn 27. apríl 2012. Farið verður með allar umsóknir sem trúnaðarmál.

Stjórn Minningarsjóðs

Elínar Þorláksdóttur og Benedikts Bjarnasonar.

PRÓFTAFLA VORANNAR 2012

Wed, 11 Apr 2012 10:28:00 +0000

Próftöflur eru nú opnar í INNU. Próftöflu vorannar í heild má sjá hér.

INNRITUN

Thu, 29 Mar 2012 10:52:00 +0000

Forinnritun nemenda sem útskrifast úr grunnskóla í vor (fæddir 1996) stendur yfir og lýkur á morgun 30. mars. Nemendur geta breytt þessum umsóknum á tímabilinu 4. maí til 8. júní. Smellið hér til að komast á menntagatt.is

Þann 4. apríl hefst innritun nemenda sem fæddir eru 1995 eða fyrr. Innritunin stendur til 31. maí. Smellið hér til að komast á innritunarsíðu menntagáttar

Innritun á starfsbrautir fatlaðra í gegnum menntagátt er lokið. Hafa verður beint samband við skólann ef láðist að sækja um.

VALDAGUR

Mon, 19 Mar 2012 09:18:00 +0000

Fimmtudaginn 22. mars n.k. verður umsjónartími í fundartíma. Nemendur eiga að mæta í stofur til umsjónarkennara og velja sér áfanga fyrir næstu önn.

Háskóladagurinn 2012

Fri, 09 Mar 2012 13:11:00 +0000

Háskólarnir í landinu verða með kynningu í skólanum miðvikudaginn 14. mars frá kl. 11 til 14. Nemendur eru hvattir til að kynna sér hvað þeir hafa upp á að bjóða.

Gróska - Föstudagur

Tue, 06 Mar 2012 15:53:00 +0000

Nú fara Gróskudagar að renna sitt skeið. Skráningar í smiðjur á föstudeginum eru komnar inn.

Smellið hér til að sjá skráningu í smiðjur kl. 08:30

Til að sjá skráningu í smiðjur kl. 10:30 smellið hér.

Og smellið hér til að sjá skráningu í smiðjur kl. 13:00.

Nemendur sem ekki finna nafnið sitt í neinni smiðju en eiga eftir að ná lágmarksfjölda geta athugað hvort ekki sé laust pláss einhversstaðar. Það eru ekki allar smiðjur fullar.

MUNIÐ SVO AÐ SKILA SKRÁNINGARBLÖÐUM TIL RITARA!!