Útskrift og jólafrí

Í dag útskrifuðust 7 nemendur frá skólanum. Tveir nemendur útskrifuðust með B-réttindi skipstjórnar, 1 nemandi með B-réttindi vélstjórnar, 1 sjúkraliði og 3 stúdentar. Skólinn færir útskriftarefnum og fjölskyldum þeirra hamingjuóskir í tilefni dagsins. Útskriftin markaði lok haustannar en skólastarf hefst að nýju 4. janúar 2018. Skrifstofa skólans opnar aftur eftir jólafrí þann 3. janúar. Menntaskólinn á Ísafirði óskar starfsfólki sínu, nemendum, fjölskyldum þeirra og öllum velunnurum skólans gleðilegra jóla og farsældar á komandi ári.

Námsmatsdagar

Í dag, 7. desember, var síðasti kennsludagur haustannar og við taka námsmatsdagar til 15. desember. Misjafnt er í áföngum hvernig viðveru á námsmatsdögum er háttað með tilliti til verkefnaskila, hlutaprófa og fleira. Eru nemendur beðnir um að kynna sér fyrirkomulag námsmatsdaganna vel.

Opnað verður fyrir einkunnir í INNU föstudaginn 15. desember n.k. Kennarar hafa tíma til mánudagsins 18. desember kl. 16:00 að skila einkunnum. Eru nemendur beðnir um að sýna biðlund þangað til ef einkunnir eru ekki komnar inn í INNU þann 15. desember.

Skólastarf vorannar hefst fimmtudaginn 4. janúar 2018.

Vísindadagar á miđvikudag og fimmtudag

A morgun og fimmtudag, 29.-30. nóvember fara fram Vísindadagar en það eru óhefðbundnir skóladagar með þátttöku nemenda. Á Vísindadögum sýna nemendur hver öðrum og gestum þekkingarnám sitt. Allir nemendur eru vísindamenn en þeir eru mislangt komnir í öguðum vinnubrögðum við að afla sér þekkingar og svara knýjandi spurningum, t.d. með því að raða saman þekkingu á hugvitsamlegan hátt. Mikilvægur þáttur í sköpun nýrrar þekkingar er að deila henni hvert með öðru. Þessir dagar eru fyrir nemendur og þá þekkingu sem þeir vilja setja saman til að gera okkur öll vísari.

 

Dagskrá Vísindadaga er án skráningar í viðburði. Dagskráin er hér á heimasíðunni en hún hangir líka uppi víða um skólann og verður á tjaldi í Gryfjunni þegar engir viðburðir eru þar.  Alls eru 48 þekkingarviðburðir í Vísindastofum sem hægt er að velja um.

Hleypt er inn í Vísindastofur á meðan húsrúm leyfir þannig að gott er að mæta tímanlega. Nemendurí 100% námi mæta í alla 9 stokka (9 mismunandi Vísindastofur) á miðvikudegi og fimmtudegi. Nýjung Vísindadaga 2017 eru 14  gestafyrirlesarar í stofu 17 báða dagana sem fræða okkur um rannsóknir sínar sem flestar tengjast Vestfjörðum. 

 

Dómnefnd verður að störfum báða dagana sem velur bestu sýninguna og bestu kynninguna á Vísindadögum.  Einnig verður Vísindagetraun í gangi. Tilkynnt verður um hverjir sigurvegararnir eru í lokaathöfninni á fimmtudaginn.

 

Við hvetjum foreldra, forráðamenn og aðra áhugasama til að taka þátt í dagskrá Vísindadaganna. Gleðileg vísindi.

Lýđheilsudagur á fimmtudaginn

Fimmtudaginn 23. nóvember verður lýðheilsudagur í Menntaskólanum á Ísafirði. Dagskráin hefst kl. 9 og lýkur kl. 13:00.   Í haust hafa 18 nemendur verið í lýðheilsuáfanga hjá Kolbrúnu Fjólu Arnarsdóttur íþróttakennara þar sem unnið hefur verið að öllu því sem viðkemur viðburði eins og þessum.

Viðburðurinn er opinn öllum nemendum í MÍ og öllum 10. bekkingum í grunnskólum Ísafjarðarbæjar, Bolungarvíkur og Súðavíkur. Allir eru hvattir til að mæta með góðaskapið og undirbúningsnefndin lofar svakalegu fjöri. Greinar sem í boði verða eru; fótbolti, körfubolti, bandí, ringó, glíma, speedball, dodgeball, boðhlaup, Khoot, sjómaður og bekkpressa.

Skráning í greinar fer fram hér og finna má viðburð á Facebook.

Slćmt veđur og veđurspá

Vegna slæms veðurs og veðurspár fyrir daginn eru nemendur og forráðamenn hvattir til að fylgjast vel með veðurspá og fréttum af færð og veðri. Skólanum verður ekki lokað vegna veðurs nema eftir tilmæli frá lögreglu eða almannavörnum. Ef nemandi kemst ekki í skóla vegna ófærðar þarf hann eða forráðamaður að tilkynna það samdægurs á skrifstofu skólans í síma 450-4400.

Sterkari ég

Fljótlega fer af stað áfangi sem heitir STERKARI ÉG (HAME1HA01) í umsjón þeirra Auðar Ólafsdóttur og Hörpu Guðmundsdóttur. Í áfanganum kynnast þátttakendur leiðum til að takast á við vandamál og mótlæti sem getur haft truflandi áhrif í daglegu lífi. Áhersla er lögð á að skoða hvernig hugsanir, hegðun og líðan tengjast og hvernig þátttakendur geta nýtt sér þá tengingu til að efla sig í leik og starfi. Áhugasamir hafi samband við Stellu námsráðgjafa (stella@misa.is)

Dagur íslenskrar tungu

Í dag var haldinn hátíðlegur dagur íslenskrar tungu sem jafnframt er fæðingardagur Jónasar Hallgrímssonar. Af því tilefni voru nemendur með dagskrá á sal undir handleiðslu Emils Inga Emilssonar íslenskukennara. Dagskráin var sérstaklega tileinkuðu skáldunum Jóni Kalmann og fyrrum MÍ-ingnum Vilborgu Davíðsdóttur.

Innritun í nám á vorönn 2018

Innritun í nám á vorönn 2018 stendur yfir. Nemendur sem hyggja á nám í dagskóla sækja um í gegnum Menntagátt á slóðinni www.inna.is/framhaldsskolaumsokn/
Nemendur sem vilja stunda fjarnám í MÍ á vorönn 2018 sækja um í gegnum heimasíðu skólans. Skráning fer fram hér.

Skráning í fjarnám á vorönn hafin

Skráning í fjarnám á vorönn er hafin og stendur yfir til 5. janúar 2018. Hér má sjá hvaða áfangar eru í boði í fjarnámi. Skráning fer fram hér á síðunni. Allar frekari upplýsingar um fjarnámið gefur Andrea Harðardóttir áfangastjóri (andrea@misa.is)

Veiga Grétarsdóttir međ fyrirlestur

Í fundartímanum í morgun bauð stjórn nemendafélagsins upp á afar áhugaverðan fyrirlestur Veigu Grétarsdóttur. Veiga sem er gamall MÍ-ingur fæddist í karlmannslíkama og í áratugi háði hún baráttu við sjálfa sig en ákvað loks að hefja kynleiðréttingarferli. Við þökkum Veigu fyrir fróðlegan fyrirlestur og greið svör við fjölda spurninga sem hún fékk frá nemendum og starfsfólki.


Við vekjum athygli á að Samtökin '78 bjóða upp á ráðgjöf fyrir alla þá sem eru að koma út sem trans, sem samkynhneigð/tvíkynhneigð/pankynhneigð/asexúal eða eru í óvissu um kynhneigð eða kynvitund. Lesa má nánar um þá ráðgjöf á heimasíðu samtakanna.

Fyrri síđa
1
234567454647Nćsta síđa
Síđa 1 af 47
Atburđir
« Ágúst »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Nćstu atburđir

Vefumsjón